„Сè што сакав е да играм на ‘Бернабеу’ во дресот на Реал Мадрид!“

31 март 2025 - 11:42

Францускиот напаѓач Килијан Мбапе никогаш не криеше дека е голем навивач на Реал Мадрид, а тоа го потврди во големо интервју кое ќе се емитува на 6 април.

Гостувањето на Мбапе во емисијата беше најавено со негова изјава која ќе ги воодушеви навивачите на „кралскиот клуб“.

„Сè што сакав е да играм на ‘Бернабеу’, да го носам дресот на Реал Мадрид и да слушам како навивачите го скандираат моето име“, кажа Мбапе.

Мбапе пристигна во Мадрид пред почетокот на сезоната, а досега настапи на 44 меча за „кралевите“, при што постигна 32 голови и четири асистенции.