Ништо од „стотката“ на Ѓоковиќ: Меншик е сензационален победник во Мајами

Со тоа, 19-годишниот тенисер го спречи Србинот да дојде до својата 100. АТП титула и прва од ноември 2023 година. Во текот на целиот меч, но и н турнирот, Меншик сервираше брутално и заслужено стигна до најголемиот успех во кратката професионална кариера.

Во првиот сет, двајцата тенисери освоија по еден сервис на противникот, па преку тај­брејк се решаваше кој ќе поведе со 1-0. Меншик отвори со 5-0 и потоа лесно дојде до водство во сетови. Во вториот немаше ниеден брејк, а шанси за тоа имаше само Меншик и тоа две, во петтиот гем. За разлика од првиот сет, тај-брејкот во вториот беше подраматичен, а Ѓоковиќ ја пропушти својата шанса на 4-3. Ги загуби потоа двата поена на свој сервис, Меншик направи три поени предност и ја искористи втората меч-топка за конечен триумф на Флорида. Откако победи, Меншик му се поклони на Ѓоковиќ и ги прими од заслужените честитки.

Со ова, чешкиот тенисер освои 990 бода и оствари скок од 30 позиции на АТП листата, па од денеска се наоѓа на 24. место. Ѓоковиќ остана петтопласиран, но со нови 650 бода и во Монте Карло идната недела ќе атакува на влез во топ-4 со оглед на тоа што разликата во однос на Фриц сега е само 780 бода.