Шекил го исмева Јокиќ: Би го „исплескал“ како дете – ќе ги викаше браќата да го бранат!

Србинот постигна неверојатни 61 поен со 10 скока и 10 асистенции во тесниот пораз на Денвер против Минесота (139-140) во кој стана само петтиот центар во историјата на НБА кој достигнал 800 тројки во кариерата. За време на гостувањето во емисија, О’Нил даде свој одговор на споредбата со Јокиќ.

„Тој за мене е словенечко пиле или од каде и да е. Ќе постигнев 40 поени и ќе требаше двајца да ме чуваат. Тој би играл пик-ен-поп и би шутирал тројки, но ви гарантирам дека јас ќе погодев повеќе обиди за два поена отколку што тој би погодил за три. Ќе го исплескав како дете и ќе ги натерав неговите браќа да се степаат со мене. Во првиот напад на мечот, ќе му удрев лакт во забите!“, изјави легендарниот џин.

О’Нил на крајот со шега ја заврши својата провокација кон српскиот центар.

„Сега ми текна. Тој е српско пиле за скара...“, заврши популарниот Шек.