ПИК Сегед го прегази ПСЖ во Париз за четвртфинале во ЛШ

03 април 2025 - 22:31

Унгарскиот ПИК Сегед е последниот учесник во четвртфиналето од Лигата на шампионите и тоа откако вечерва на гости во Париз го прегази ПСЖ со убедливи 25-35.

ПСЖ во првиот натпревар славеше победа до 31-30, но вечерва беа немоќни против ракометарите на унгарскиот состав.

ПИК Сегед така се придружи на Веспрем кој пртходно обезбеди директно место во четвртфиналето, па Унгарија ќе има два претставници.

Вечерва најзаслужен за победата на ПИК Сегед беше голманот Миклер кој средбата ја заврши со дури 15 одбрани, а триумфот беше најавен уште на полувремето по кое унгарскиот состав водеше со 17-11.

Во вториот дел ПИК Сегед одигра уште подобро, па ПСЖ немаше шанси за некаков пресвт.

Останатите екипи кои обезбедија место во топ 8 се: Нант, Магдебург, Фуксе Берлин, Барселона, Алборг и Спортинг.