Роналдо одлучил: Сака да ја купи Валенсија, но има еден услов

04 април 2025 - 15:28

Неодамна во шпанската јавност се појави веста дека Кристијано Роналдо сака да го купи тимот во кој настапува македонскиот репрезентативец, Столе Димитриевски, Валенсија, а сега Шпанците објавија и дополнување.

Роналдо наводно покажал интерес и го контактирал Питер Лим, меѓутоа има и услов за да започне сериозни преговори.

Како клучен услов Португалецот наводно го поставил опстанокот во Ла Лига, Валенсија во овој момент е 15-та на табелата со 31 освоен бод, четири повеќе од првиот тим во опасната зона.

Најгласен во информациите за можноста Роналдо да ја купи Валенсија е шпанскиот новинар Џулијан Редондо кој повикувајќи се на извори блиски до клубот тврди дека нешто конкретно веќе се случува.