Црвена Звезда на колена: Ефес оствари голема победа во Белград!

04 април 2025 - 22:19

Кошаркарите на Анадолу Ефес повторно триумфираа на гостувањето во Белград, откако пред неколку недели го декласираа Партизан, вечерва нивна жртва беше Црвена Звезда (97-96).

Црвена Звезда ја доби првата четвртина со 24-16, додека на полувремето замина со водство од 51-44, а турскиот тим се разигра дури во второто полувреме.

Ефес со одличната трета четвртина (22-13) го сврте натпреварот во своја корист (66-64), по што се водеше голема борба до крајот на регуларниот дел (88-88).

Анадолу Ефес успеа да стигне до победата дури по едно продолжение во кое ги постави конечните 97-96.

Петрушев беше најефикасен кај Црвена Звезда со 23 поени, четири скокови и две асистенции, додека Брајант постигна 17 поени, осум скокови и една систенција за Ефес.

Резултати:

Алба Берлин – Олимпијакос 92-100
Басконија – Асвел 111-75
Виртус Болоња – Милано 90-70