Роналдо со два гола го реши дербито против Ал Хилал (ВИДЕО)

04 април 2025 - 22:10

Фудбалерите на Ал Наср триумфираа во дербито против Ал Хилал со 3-1 во 26. коло од саудискиот шампионат, а на мечот блесна Кристијано Роналдо со два погодоци.

Ал Хасан во четвртата минута од судиското надополнување на првото полувреме донесе предност за Ал Наср, додека Роналдо на почетокот на вториот дел зголеми на 2-0.

Ал Булахи по асистенција на Милинковиќ-Савиќ погоди за 1-2 во 63. минута и донесе неизвесност во мечот, но Ал Хилал не искористи ниту една од шансите во продолжение, по што казната стигна преку Роналдо од пенал во 88. минута (3-1).

Со новата победа, Ал Наср стигна до 54 бодови и се наоѓа на третата позиција, додека Ал Хилал е втор со 57 поени, а на врвот е Ал Итихад со 61 бод.