Поволна ждрепка за Ѓоковиќ во Монте Карло - го избегна Алкараз

На него повторно нема да настапи најдобриот светски тенисер Јаник Синер, па улогата на прв носител ќе ја има Александер Зверев. Германецот ќе биде слободен во првото коло, во второто коло ќе игра со Беретини или квалификант, а на неговата страна е Новак Ѓоковиќ кој е трет носител на турнирот. Во тоа друштво се и Данил Медведев, Стефанос Циципас и Холгер Руне, но ниеден од овие тенисери не е во добра форма од почетокот на 2025 година.

На спротивната страна е Карлос Алкараз кој ќе биде слободен во првото коло, а во второто ќе се сретне со Фоњини или Сеундоло. Од позначајните тенисери, на таа страна се Руд, Рубљев и победникот од Индијан Велс, Џек Дрејпер.