Еспањол се разигра и го демолира Рајо Валјекано!

04 април 2025 - 23:08

Рајо Валјекано влезе како фаворит во мечот против Еспањол, а на крајот беше понижен пред сопствената публика со 0-4 во 30. коло од Ла Лига.

Еспањол имаше моќен почеток и по само 16 минути водеше со 2-0 со головите на Кабрера и Фернандез Хаен.

Рајо не успеа соодветно да одговори, иако имаше многу шанси кон гостинскиот гол, па казната пристигна во 72. минута кога Пуадо погоди за 3-0 и стана јасно дека Еспањол ќе ги освои трите бодови. Триумфот на гостинскиот состав беше потврден во 90. минута кога Пере Миља погоди за конечни 4-0.

Еспањол освои големи три бодови со кои избега подалеку од зоната за испаѓање и се наоѓа на 15. место со 32 поени, додека Рајо е на осмото место со 40 бодови.

Фото: EPA PHOTO