Македонија играше, Летонија погодуваше: Втор пораз за фудбалерките во Лигата на Нации (ФОТО)

Македонија не одигра лош натпревар и создаде повеќе прилики, но гостинските фудбалерки знаеа да ги казнат нашите промашувања.

Летонките го отворија резултатот од својата прва посериозна прилика уште во втората минута, а Македонија потоа ја презема иницијативата која ни донесе израмнување преку Максути во 31. минута.

Со по еден гол на двете страни се замина и на паузата. Македонија беше далеку подобар противник во вториот дел, видовме и една спорна ситуација кога една од летонските фудбалерки играше со рака во шеснаесетникот, меѓутоа судиите не покажаа на белата точка.

Нашите промашувања беа казнети на десетина минути пред крајот кога Миксоне го постигна својот втор погодок на натпревaрот. Во последните моменти од средбата Максути од идеална позиција ја погоди и пречката од голот на Летонија.

Во првото коло Македонија претрпе пораз и од селекцијата на Косово, па поради тоа сме и последни во групата.