Фернандез човек на одлука, Челси ја продолжи кризата на Тотнем (ВИДЕО)

03 април 2025 - 23:04

Фудбалерите на Челси славеа минимална победа во последниот натпревар од 30. коло во Премиер лигата со 1-0.

Челси беше подобар противник во текот на целиот натпревар, но победникот го одлучи еден гол.

Моментот на одлука се случи по пет минути игра во второто полувреме кога нафрлувањето на Палмер го искористи Енцо Фернандез кој со глава стрелаше за гол со кој донесе победа. Во 56. минута уште еднаш се затресе мрежата на Тотнем кога погоди Каиседо, но тој гол беше поништен поради недозволена позиција.

Поништен гол видовме и на спротивната страна кога ВАР реагираше поради прекршок, па не беше признат голот на Сар на 20-тина минути пред крајот.

Челси со овој триумф им се врати на победите откако во минатото коло беа поразени од Арсенал и сега се на четвртата позиција, Тотнем од друга страна е дури 14-ти.