Пелистер во вториот дел го „скрши“ Тиквеш за победа во Кавадарци

Првото полувреме донесе изедначена игра во која тимот од Кавадарци парираше, а битолскиот клуб на пауза замина со еден гол предност (15-16).

Во вториот дел Пелистер „додаде гас“ и набрзо создаде предност од три гола која во наредниот период и се зголемуваше. Тиквеш се обиде, но не успеа посериозно да го загрози водството на гостите.

Филип Кузмановски беше најефикасниот во победничкиот табор со 12 постигнати гола, додека за Тиквеш Игор Кривокапиќ постигна десет гола.