Шпанските обвинители ќе се жалат на ослободителната пресуда за Алвеш

04 април 2025 - 07:20

Поранешниот бразилски фудбалер Дани Алвеш неодамна доби ослободителна пресуда, меѓутоа сè уште ништо не е готово затоа што шпанските обвинители најавија жалба на одлуката.

Оваа одлука беше донесена неколку дена откако Апелациониот суд ја поништи затворската казна на Алвеш, кој беше обвинет за силување на млада девојка во декември 2022 година во ноќен клуб во Барселона.

Алвеш помина 14 месеци во затвор, по што во февруари 2024 година беше прогласен за виновен и доби затворска казна од четири години и шест месеци.

Овој случај би можел да заврши и на Врховниот суд во Мадрид, доколку се донесе одлука повторно да се разгледа ослободителната пресуда за Бразилецот.