Трипл-дабл на Златев во триумфот на Еуро Никел против Вардар

10 декември 2023 - 19:44

Еуро Никел вечерва беше подобар од Вардар со убедливи 116-66, а натпреварот го одбележа младинскиот македонски репрезентативец Тодор Златев со трипл-дабл.

Натпреварот не понуди големи возбудувања бидејќи Еуро Никел доминираше во текот на целата средба и лесно го совлада скопскиот тим за осма победа во Првата лига.

Златев го заврши натпреварот со 24 поени, 11 скокови и 11 асистенции, додека Бајрам со 21 поен беше најдобар кај Вардар.

Кавадаречкиот состав е втор на табелата со 19 бодови по 11 одиграни кола, односно два помалку од лидерот МЗТ Скопје.