Поранешниот македонски селектор Србиноски на тајмаут пцуе - „како кочијаш“! (ВИДЕО)
Пцовките се редеа една по друга и силно одекнуваа во салата, а играчите само немо го гледаа својот стратег. Ова се случи во второто полувреме, кога противникот имаше двоцифрена предност, а на гостиварци не им одеше од рака да ја вратат резултатската неизвесност.
Да биде поголем проблемот, односно срамот за поранешниот селектор на Македонија, неговиот излив на бес и користење непримерни зборови за еден педагог, беа слушнати и од целата спортска нација со оглед што тајмаутот беше озвучен и одеше во директен пренос на првиот канал на Македонската телевизија.