Баскет Кам го декласира МЗТ Скопје за трофеј во Купот

03 март 2024 - 18:17

Кошаркарките на Баскет Кам беа подобри од МЗТ Скопје во СРЦ „Кале“ со 67-39 и го освоија трофејот во Купот на Македонија.

МЗТ му парираше на Баскет Кам во првата четвртина, но екипата од Македонска Каменица влезе во одличен ритам и на полувремето замина со водство од 45-20.

Скопскиот тим постојано бркаше негатива, меѓутоа Баскет Кам успешно го одржуваше водството и оствари голем триумф.

Ивана Кметовска беше најдобра кај победничкиот тим со 23 поени и 15 скокови, додека Кристал Томас постигна 16 поени за МЗТ Скопје.