Индира Кастратовиќ му се придружи на Лазаров во Куќата на славните на ЕХФ!
Церемонијата, која втора година по ред ги слави најдобрите играчи и легенди на ракометот, ќе вклучи вкупно 21 лауреат. Во женска конкуренција ќе бидат наградени седум поранешни ракометарки, меѓу кои и легендата од шампионскиот состав на Кометал Ѓорче Петров и долгогодишен носител на дресот на македонската репрезентација. Од претходно дел од ова елитно друштво е и најдобриот македонски ракометар, Кирил Лазаров.
Во машка конкуренција, ЕХФ избра 14 играчи, меѓу кои се и големите имиња Никола Карабатиќ, Данецот Микел Хансен и Норвежанецот Стине Офтедал Дамке. Сите наградени ќе добијат признание за своите извонредни достигнувања и придонес во европскиот ракомет.
„Среќни сме што им оддаваме почит на легендите на нашата игра преку оваа церемонија. Ова е одлична можност да ги истакнеме нивните успеси и влијанието што го имаат врз спортот, на и надвор од теренот“, изјави претседателот на ЕХФ, Михаел Видерер.
Со овие нови имиња, „Куќата на славните“ ќе се збогати со нови 21 член, придружувајќи им се на повеќе од 50 легенди кои беа инаугурирани во јуни 2023 година на првата церемонија за наградите за извонредност на ЕХФ.
Список на легенди (мажи и жени) кои ќе влезат во „Куќата на славните“:
ГОЛМАНИ
• Андреас Тиел / Германија
• Матс Олсон / Шведска
• Дејан Периќ / Србија
• Луминица Хуцупан Дину / Романија
ЛЕВО КРИЛО
• Герго Иванчик / Унгарија
ЛЕВИ БЕКОВИ
• Никола Карабатиќ / Франција
• Микел Хансен / Данска
• Кармен Амариеи / Романија
• Ања Андерсен / Данска
ЦЕНТРАЛНИ БЕКОВИ
• Љубомир Врањеш / Шведска
• Енди Шмид / Швајцарија
• Миа Хермансон-Хогдал / Шведска
• Стине Офтедал Дамке / Норвешка
ДЕСНИ БЕКОВИ
• Фолкер Цербе / Германија
• Стафан Олсон / Шведска
• Индира Кастратовиќ / Македонија
• Марта Манге / Шпанија
ДЕСНИ КРИЛА
• Лук Абало / Франција
• Иван Чупиќ / Хрватска
ПИКЕРИ
• Игор Вори / Хрватска
ДЕФАНЗИВЦИ
• Виран Морос / Шпанија