Мбапе промаши пенал: Атлетик Билбао го шокира Реал Мадрид (ВИДЕО)

04 декември 2024 - 22:57

Шпанскиот гигант Реал Мадрид загуби на незгодното гостувањео кај Атлетик Билбао со 1-2 во 16. коло од Ла Лига.

„Кралевите“ стрелаа преку Мбапе во 14. минута од средбата, но голот беше поништен од ВАР-технологијата поради офсајд.

До крајот на првиот дел мируваа мрежите на двете страни, по што Атлетик на почетокот на второто полувреме стрелаше за предност од 1-0. Гостите имаа шанса да се вратат во игра, меѓутоа Мбапе промаши пенал во 68. минута.

Реал успеа да израмни преку Белингам во 78. минута од средбата, но надежта за пресврт на гостите траеше само две минути зашто Гурузета погоди за предност од 2-1 на Билбао.

Реал останува на втората позиција со 33 бодови, односно четири поени помалку од лидерот Барселона.