Димитријевиќ скромен во победата на Милано над Црвена Звезда

04 декември 2024 - 22:42

Кошаркарите на Олимпија Милано триумфираа со 101-86 во 13. коло од Евролигата, а македонскиот репрезентативец Ненад Димитријевиќ имаше скромен настап и постигна само четири поени.

Италијанската екипа тргна одлично во мечот и ја доби првата четвртина со 23-15, а предноста достигна +11 на полувремето (53-42).

Милано во вториот дел успеа да стигне и до +21 (70-49), по што Ц. Звезда до крајот на мечот се трудеше да избегне потоп (86-101).

Најефикасен беше Миротиќ со 23 поени, седум скокови и две асистенции, додека Димитријевиќ постигна четири поени, два скокови и три асистенции. На спротивната страна Матеус запиша 17 поени, четири скокови и шест асистенции за Ц. Звезда.