Ван Дер Варт: Себичноста на Роналдо е неверојатна, важни му се само неговите голови

Ван Дер Варт играше во големи клубови, меѓутоа во ниту еден клуб не успеа да се наметне како лидер. 

Сега во својата последна изјава за медиумите тој зборуваше за Кристијано Роналдо со кого ја делеше соблекувалната во Мадрид. Ван Дер Варт го пофали Роналдо за неговата работна етика, меѓутоа ја потенцираше и неговата себичност.

„Има навистина неверојатно тело, работи со часови на него. Како никој друг внимава на времето за спиење и исхраната, работите што ги прави се неверојатно. Но го паметам и по уште една работа - неговата себичност. 

Такво нешто немам видено претходно, важно му беше само тој да постигне гол. Ако победевме со 6-0, а тој не беше стрелец, не беше среќен и седеше разочаран, додека пак ако загубевме, а постигнал два гол, немаше проблеми, беше среќен“, изјави Ван Дер Варт.