Ферари доминираше во Сингапур, Фетел заврши пред Леклер (ФОТО)

22 септември 2019 - 16:30

Возачот на Ферари, Себастијан Фетел триумфираше на трката за Големата награда на Сингапур, откако заврши со предност од 2.641 секунди пред тимскиот колега Шарл Леклер и ривалот од Ред Бул, Макс Ферстапен.

Германскиот возач стигна до 54. победа во кариерата, а петта во Сингапур. Фетел сега се наоѓа на третата позиција во генералниот пласман на возачи, откако ги премина Леклер и Ферстапен.

Да потсетиме, тоа беше прва победа на Фетел од Големата награда на Белгија минатата година.