Вардар и Ла Фиорита се сменија - првиот меч ќе се игра во Скопје

Мечот е на програмата на 10 јули на Градскиот стадион во Скопје, а со тоа е направена промена во однос на првичната ждрепка според која тој дуел требаше да се игра во Сан Марино. Останатите македонски претставници во ова натпреварување, Силекс и Работнички, остануваат домаќини на возвратните дуели.

Реваншот во Сан Марино се игра една недела подоцна, а ако Вардар биде подобар, во второто квалификациско коло би се сретнал со Данди Јунајтед, Санта Клара, Шамрок или Лозана.