Тадиќ повторно распука по Пикси: Се почувствував повредено!

Турбуленции во таборот на Србија имаше уште по првиот натпревар кога Тадиќ се побуни зошто не бил стартер. Капитенот на Србите го крена гласот и по вчерашниот меч.

„Против Англија не тргнав од почеток. Ми беше криво, но јас не сум важен. На полувремето тогаш ми рече влегувате ти и Илиќ, и кога требаше да влезам, ми рече влегува само Илиќ, а јас да одморам. Не знам, природно е да се почувствуваш повредено“, вели Тадиќ.

„Никој не сакав да навредам, мислам дека не е лошо да кажам. Можеби на некој му звучи арогантно, но сакав да ја преземам одговорноста на себе и да дадам пример на другите. Не ми беше цел ништо друго да зборувам. Другите се тука да зборуваат“.

„Мислам дека заслужив подобар третман и дека можев повеќе да дадам на екипата бидејќи сум тимски играч и сакам да му помогнам на тимот. Не сум важен во оваа приказна, важно е што носиш на теренот“.

„Да играв повеќе, мислам дека повеќе ќе дадев. Одлуката е таква. Гледам во Хрватска, Модриќ е три години постар од мене и на секој меч е на теренот, неважно каква е ситуацијата. Тука сум, ќе играм колку треба и ќе играм колку ми е речено“.