Ферстапен прв ќе стартува на спринт трката во Австрија

28 јуни 2024 - 21:33

Aктуелниот светски шампион, Макс Ферстапен од Ред Бул денеска освои пол-позиција за спринт трката во Формула 1 во рамките на Големата награда на Австрија.

Холанѓанецот до полшозицијата стигна со време 1:04.686. На второто и третото место се пласираше тандемот од Мекларен. Втор беше Ландо Норис со 0.093 секунди заостанување, а трет Оскар Пјасстри со 0.301 секунди заостанување зад Ферстапен.

Како четврти заврши Џорџ Расел од Мерцедес, а петти возачот на Ферари, Карлос Саинц. Помеѓу првите 10 се уште Луис Хамилтон (Мерцедес), Серхио Перез (Ред Бул), Естебан Окон (Алпин), Пјер Гасли (Алпин) и Шарл Леклер (Ферари).