Грција ја надигра Финска, Албанија ја изненади Украина (ВИДЕО)

07 септември 2024 - 22:46

Нашите соседи Грција и Албанија имаа успешен почеток во Лигата на нации, откако јужниот сосед славеше против Финска со 3-0, додека западниот сосед на Македонија беше подобар од Украина во Прага со 2-1.

Грција го најави триумфот уште во првото полувреме откако поведе со 2-0 со головите на Јоанидис и Калман, додека победата на нашиот јужен сосед ја потврди Јоанидис во завршницата од мечот.

Украина доживеа непријатно изненадување против Албанија, иако водеше со гол од 49. минута, но пет минути подоцна Исмајли израмни на 1-1, додека пресвртот го потврди Асани во 66. минута.