Милевски и Барди со победникот - двајцата гласаа за Дембеле

16 декември 2025 - 21:45

Капитенот и довчерашниот селектор на македонската фудбалска репрезентација Енис Барди и Благоја Милевски не експериментираа многу кога станува збор за гласањето за добитникот на наградата The Best што ја доделува ФИФА.

Двајцата му дадоа максимален број бодови на фудбалерот на ПСЖ, Усман Дембеле кој на крајот го однесе признанието, првпат во својата кариера. И Милевски и Барди му доделија бодови и на Ламин Јамал (капитенот три, а селекторот еден), а се разликуваа само во Нуно Мендес на кого Барди му даде еден бод и Витиња кој доби три од Милевски.

Дембеле заслужено ја освои наградата за најдобар играч во изборот на ФИФА бидејќи беше најзаслужен за тројната круна на ПСЖ.