Манчестер сити се раздели со човекот кој собра повеќе трофеи од настапи

09 јуни 2025 - 15:21

Голманот Скот Карсон по шест години во кои собра повеќе трофеи отколку што имаше настапи ги напушти редовите на Манчестер сити. 

Карсон во 2019 година пристигна во Манчестер сити на позајмица од Дерби Каунти и до денес забележа само два настапи, еден во Премиер лигата и еден во Лигата на шампионите.

Сепак, неговата ретка присутност на тревникот не ја намали улогата која ја имаше во соблекувалната. Во текот на неговата епизода со „граѓаните“ освои дури чтири титули во Премиер лигата, две во Лига Купот, една во Лигата на шампионите, УЕФА Суперкуп и Светско клупско првенство.

Иако собра само два настап, клубот го пофали како клучна фигура меѓу голманите, нагласувајќи ја неговата посветеност и допринос на тренинзите и припремите на Едерсон и Оретега кои имаа предност.

Пред Манчестер сити, Карсон беше дел од: Лидс јунајтед, Ливверпул, Вест Бромвич, Бурсаспор и Виган, а запиша и четири натпревари за Англија во период помеѓу 2006 и 2011 година.