![](https://sport1.mk/files/styles/article/public/article/2024/07/15/231144-lionel-mesi-i-oficijalno-stana-najtrofeen-fudbaler-vo-istorijata.jpg?itok=Kefqq_Ez)
Лионел Меси и официјално стана најтрофеен фудбалер во историјата!
За магионичарот со топката ова е 45. трофеј во кариерата, со што го надмина Бразилецот Дани Алвеш, кој застана на 44 пехари. Меси со Аргентина го освои Светското првенство во Катар, двапати триумфираше на Копа Америка, а има победи и на Светското првенство за играчи до 20 години, ЛОИ во 2008 година и Купот КОНМЕБОЛ-УЕФА.
На клупски план, во дресот на Барселона „собра“ 36 трофеи и тоа четири Лиги на шампиони на УЕФА, три Суперкупа на УЕФА, три Светски клупски првенства, 10 титули во шпанска Ла Лига, седум трофеи Купот на кралот, осум шпански Суперкупа. Со ПСЖ, пак, освои две титули и Куп на Франција, а со Интер Мајами беше најдобар во МЛС Лига купот.
Со оглед што Меси се уште не е заминат во пензија, тогаш со сигурност може да се каже дека се уште не е дојден крајот на освојување трофеи. Негова цел е Мундијалот во 2026 година (САД, Канада, Мексико) и одбраната на светската круна.