Димитриевски во лош момент го повреди рамото – на личен и на репрезентативен план!

Од клубот потврдија дека нашиот чувар на мрежата се повредил на еден од последните тренинзи.

„Голманот Димитриевски заработи повреда на левото рамо. Интернационалниот голман ќе продолжи со медицински третман, физиотерапија и рехабилитација додека не се врати назад во тимот“, се наведува во краткото соопштение на Валенсија.

Деталите за сериозноста на повредата не се обелоденети, но и покрај тоа постои загриженост поради неговите обврски кон македонската репрезентација, која на почетокот од септември ги продолжува квалификациите за СП 2026. Оваа пауза исто така би можела да го намали интересот на клубовите за негова аквизиција, со оглед што веќе е јасно дека и следната сезона нема да добие вистинска шанса во таборот на Валенсија.