Алиоски го пропушта најважниот меч на Македонија во квалификациите за СП!?

27 октомври 2025 - 19:43

Македонија добива загрижувачки вести од Лугано затоа што репрезентативецот Езгјан Алиоски се повредил и го чека подолга пауза, односно ќе го пропушти најважниот меч од квалификациите за Светското првенство (СП) против Велс на 18 ноември.

Алиоски има повреда на левата фибула, поради која во следните недели ќе оди на медицински третмани, а според прогнозите ќе паузира неколку месеци што значи дека нема да биде подготвен за следниот предизвик на Македонија во Кардиф.

Македонската репрезентација во моментов е на втората позиција во групата Ј со 13 бодови, односно еден помалку од Белгија и три повеќе од Велс кој има одиграно и еден меч помалку од нашата селекција.

Македонија е во добра позиција во моментов за освојување на втората позиција во групата, но не зависи сè од нас туку постојат неколку комбинации кои може да ги прочитате ТУКА.