МЗТ Скопје го прегази Гостивар за нова победа во Суперлигата

27 октомври 2025 - 19:58

Македонскиот шампион МЗТ Скопје без мака го нокаутира Гостивар со 77-57 во четвртото коло од кошаркарската Суперлига.

Нападите на двете екипи не беа премногу расположени во првата четвртина, па беа постигнати само 24 поени (13-11 за МЗТ), но затоа екипата од Аеродром додаде гас во втората четвртина и на полувремето имаше предност од 41-25.

Повторно следеше пад во играта и неефикасна трета четвртина, која заврши во корист на МЗТ Скопје со 14-13, по што продолжи доминацијата на скопскиот тим за триумф од 77-57.

Најефикасен кај МЗТ Скопје беше Мек Смит со 14 поени, додека Карахоџиќ запиша 12 поени за Гостивар.