Тренерот на Торино: Елмас веќе покажа дека е важен фудбалер!

15 февруари 2025 - 07:20

Македонскиот репрезентативец Елиф Елмас синоќа го постигна првиот гол за Торино во поразот од 2-3 против Болоња, а тренерот Паоло Ваноли кажа дека е задоволен од неговиот настап.

Елмас влезе во игра во 62. минута од натпреварот, а му беа потребни само три минути за да ја затресе мрежата на ривалот на неверојатен начин.

„Несреќно го загубивме натпреварот. Елмас ни дава повеќе квалитет. Тој е важен фудбалер и тоа веќе го покажа во Неапол“, посочи Ваноли.

Торино по 25 одиграни меча се наоѓа на 11. место во Серија А со 28 освоени бодови.