Супер-Милан за 11 минути му даде четири гола на Сасуоло (ВИДЕО)

03 декември 2024 - 21:52

Денеска се играат натпревари од Копа Италија, а Милан се среќава со некогашното најпријатно изненадување во Серија А, Сасуоло.

По првото полувреме на Сан Сиро, резултатот е 4-0, а четирите гола „росонерите“ ги постигнаа во период од само 11 минути. Во 12. минута отвори Чуквуезе и заклучно со 23., во листата на стрелците се запишаа Рејндерс, уште еднаш Чуквуезе и Леао.

Со оглед на тоа што во оваа фаза се игра само еден натпревар, јасно е дека Милан ќе се пласира во следниот круг каде ќе се сретне со подобриот од дуелот меѓу Рома и Сампдорија.