Падна договор: Кансело се враќа во Европа - ќе игра за Барселона!

05 јануари 2026 - 22:40

Жоао Кансело го напушти Ал Хилал, по неуспешната авантура во саудискиот тим, а негова следна дестинација ќе биде Барселона.

Новинарот Фабрицио Романо објави дека двете екипи се договориле, а Барселона ќе ја покрие платата на Кансело од четири милиони евра. 

Во конкуренција за потписот на одличниот дефанзивец беше и Интер, кој водеше преговори со Ал Хилал, но Кансело јасно кажа дека сака да се врати во Барселона.

Португалецот играше за каталонскиот тим во сезоната 2023/24, по што се врати во Манчестер сити и веднаш беше испратен во Ал Хилал. 

Фото: EPA