Излегоа првите информации за повредата на Олмо

Олмо даде гол од пенал во 21. минута, а седум минути подоцна поради повреда мораше да го напушти мечот.

Сепак, првичните информации од Каталонија се позитивни, повредата не е сериозна.

„Радио Каталуња“ информира дека Олмо би бил надвор од теренот околу две недели.

Ќе ги пропушти натпреварите против Атлетико Мадрид и Бетис, а би можел да биде во комбинација за дуелот со Борусија Дортмунд од Лигата на шампионите. За првата средба би бил неизвесен, но за реваншот сигурно ќе биде подготвен.