Анчелоти на суд, му се заканува и затворска казна

Дражвното обвинителство го обвинува Италијанецот дека ја оштетил државната каса за повеќе од еден милиони евра поради непријавена заработка од правата на имиџ во периодот од 2014 и 2015 година кога го извршуваше првиот мандат како тренер на Реал. Се очекува процесот да трае два дена, а Анчелоти е обврзан да присуствува на сослушувањата.

Италијанецот, наводно, во своите даночни пријавил ја навел само платата која ја добивал од Реал во текот на тие две години иако се изјаснил дека е резидент на Шпанија и навел дека домот му е во Мадрид. Спроед Обвинителството, тој воспоставил збунувачки и сложен систем на фиктивни компании за да ја сокрие својата дополнителна заработка од правата на имиџ, како и од други извори како што се недвижности.

Ако биде прогласен за виновен, Анчелоти ќе мора да плати висока парична казна, но во шпанскиот закон за ваков престап е предвиден и затвор.