Пелистер и Чкембари донираа 360.000 денари за настраданите од Кочани! (ФОТО)

Приходот од билетите за дербито со Вардар, ФК Пелистер го донира за жртвите од Кочани, дополнително навивачката група на овој клуб, Чкембари самостојно собираа донации. 

Пелистер потврди дека средствата собрани од ветените акции на клубот и на навивачката група се уплатени на сметката на Црвен крст со цел на дознака за настраданите граѓани во пожарот во Кочани.

„ФК Пелистер, љубителите на фудбалот во Битола, навивачката група „Чкембари“ го исполнија ветеното. Приходот од билетите од натпреварот од 25. коло на Првата фудбалска лига е дониран за семејствата на настраданите од трагедијата во Кочани. Исто така независно од натпреварот, навивачката група „Чкембари“ реализираше индивидуална акција во која собра дополнителни средства кои се додадени во донацијата. Нашиот град и нашиот клуб уште еднаш ја покажа својата хуманост и човечност во тешките моменти за нашата земја и нашите граѓани. Да не се повтори...“, потврдија од битолскиот клуб.