Најдобрите тенисери побараа повеќе пари од организаторите на гренслем-турнирите!

04 април 2025 - 00:58

Најдобрите 20 тенисери и тенисерки од АТП и ВТА побараа од организаторите на четирите гренслем-турнири да ги зголемат паричните награди за учесниците.

Тенисер(к)ите заедно испратија писмо преку кое бараат состанок на кој би се разговарало за наградните фондови за Австралијан опен, Ролан Гарос, Вимблдон и Ју-Ес Опен.

Наградниот фонд на минатогодишниот Вимблдон беше 50 милиони фунти, односно двојно повеќе отколку во 2014 година. Во тој 10-годишен период, паричните награди за поразените во првото коло се зголемија од 27.000 на 60.000 фунти.

Спортистите, сепак, не се задоволни и сметаат дека се зголемени и нивните трошоци, па поради тоа бараат од организаторите на најголемите турнири да го зголемат буџетот.