Македонија има нов супер-талент: Кошаркар од Тетово постигна 60 поени на еден меч (ВИДЕО)

26 март 2026 - 11:45

Големиот број натпревари во младинска конкуренција во организација на КФМ повремено на површина изнесува таленти, кои во моментов се над своите врсници и кои најавуваат дека со правилна работа би можеле да бидат наследници дури и на имиња како Петар Наумоски, Врбица Стефанов, Владо Илиевски, Тодор Гечевски...

Еден од тие дефинитивно е и Амар Адили, кошаркар на екипата на Универзитет Тетово, кој на средбата против Гостивар (82-79) постигна дури 60 поени.

Станува збор за кошаркар роден 2012 година, чие време допрва доаѓа, а кој претстојново лето дефинитивно заслужува да биде проверен и од селекторот на репрезентацијата на Македонија за играчи до 14 години.

ФОТО: Sportmania.al