Неоправдано запоставен во МВП трката: Брутален трипл дабл на Адетокумпо (ВИДЕО)

04 април 2025 - 09:51

Како што се ближи плејофот, така подобро игра грчкиот репрезентативец Јанис Адетокумпо кој е неоправдано запоставен во трката за МВП признанието, за сметка на Шеј Гилџес Александер и Никола Јокиќ.

Суперѕвездата на Милвоки Бакс имаше фантастична ноќ против Филаделфија и е најзаслужен за победата на неговиот тим од 126-113. Грчкиот ас оствари монструозен трипл дабл со 35 поени, 20 асистенции и 17 скока, бројки со кои можат да се пофалат малку кошаркари во НБА. Сето тоа го постигна за помалку од 39 минути на теренот, шутирајќи 12/19 од игра.

Милвоки се наоѓа на шестото место на табелата во Источната конференција со шанси да се искачи и на петтата позиција.