Голманска криза во Реал, 19-годишник ќе ги спасува „кралевите“

Анчелоти остана без првите двајца голмани Тибо Куртоа и Андриј Лунин, па ситуацијата против Ел Че ќе ја спасува 19-годишниот Фран Гонзалес. Тој е голман на Б-тимот кој се натпреварува во Третата лига и за кого сезонава запиша 11 настапи, но се уште не дебитирал за првата екипа и покрај тоа што Анчелоти дури 58 пати го повика на собирот, па дури и во финалето од минатата Лига на шампиони кога беше трет избор.

Со 200 сантиметри височина и само 19 години, Гонзалес е сметан за еден од најголемите таленти во Шпанија на голманската позиција, а дуелот против Валенсија би требало да биде почеток на неговата блескава кариера.

Што се однесува до Куртоа и Лунин, тие имаат повреди и Анчелоти не сака да ризикува со нив пред многу поважниот меч против Арсенал во Лигата на шампионите.