Синер за суспензијата: Го избравме помалото зло

05 април 2025 - 14:55

Италијанецот Јаник Синер ги брои деновите до враќаето на терен, суспензијата од три месеци наскоро ќе заврши, а првиот турнир на кој ќе настапи е во Рим кој започнува на 4 мај.

Отсуството за италијанскиот ас практично и да не влијаеше на АТП ранкигот, па и самиот е свесен дека не поминал лошо.

„Го избравме помалто зло, иако не беше фер. Можеше да биде и полошо. Секој ден сум поблиску до враќањето. Се чувствувам подобро физички и ментално. Иако има уште време. Се гледаме во Рим, се надевам ќе се подготвам добро“, изјави Синер.

Суспензијата ја користи и да поминува повеќе време со своите блиски.

„Научив многу, но знаев дека тенисот не е најважата работа на светот. Надвор од него постојат луѓе кои ми значат, семејството секогаш е над се, пријателите се круцијални. Добро е да имате луѓе околу себе на кои можете да им верувате“, истакна Синер.

ФОТО: EPA PHOTO