Де Брујн ја доби првата понуда: Поранешниот клуб јавно го повика

05 април 2025 - 14:33

Кевин Де Брујн во текот на вчерашниот ден објави дека на крајот од сезоната ќе го напушти Манчестер сити, а многу брзо доби и понуда од неговиот поранешен клуб.

Де Брујн беше клучна фигура во тимот на Пеп Гвардиола и освои бројни титули меѓу кои Премиер лигата и Лигата на шампионите, но во последниот период се соочи со повреди кои влијаеа на неговата форма.

Засега не е познато каде ќе ја продолжи кариерата, но една понуда веќе доби и тоа од Волфсбург каде што настапуваше во минатото.

„Драг Кевин, се сеќавам? Ти и јас пред десет години? Што вели повторно да се здружиме?“, објави Волфсбург на социјалните мрежи.

Дресот на Волфсбург, Де Брујн го носеше од 2014 до 2015 година и остави одличен впечаток откако претходно една сезона помина на позајмица во Вердер од Челси.

Останува во наредниот период да се види каква ќе биде одлуката на Де Брујн кој се поврзуваше и со преселба во МЛС лигата и Саудиска Арабија.