Милан со помош на ВАР-системот до бод против Фиорентина (ВИДЕО)

05 април 2025 - 22:50

Милан одигра нерешено против Фиорентина (2-2) во дербито од 31. коло во италијанската Серија А.

Фиорентина не можеше да посака подобар почеток на „Сан Сиро“, откако „росонерите“ си постигнаа автогол во седмата минута, а потоа Кин стрелаше за предност од 2-0 до 10. минута од средбата.

Абрахам во 23. минута стрелаше за 1-2 и го врати Милан во игра, додека вториот гол за домаќинот го постигна Јовиќ во 64. минута од натпреварот. Во завршницата од дуелот Фиорентина постигна погодок за 3-2, меѓутоа ВАР-системот го поништи поради офсајд.

Милан се наоѓа на деветтото место со 48 бодови, додека Фиорентина е на осмата позиција со 52 поени.