Штип УГД ја распарчи Струмица и го освои Купот на Македонија

Штип УГД беше одличен во првиот сет на стартот, но Струмица набрзо се созема и следеше возбудлива завршница (20-20), меѓутоа шампионот влезе во серија и со 25-21 го освои сетот.

Струмица водеше во вториот сет со 13-9, но Штип УГД не се предаваше, па направи целосен пресврт и во драматичен финиш славеше со 26-24.

Третиот сет повторно беше израмнет и двете екипи водеа голема борба на теренот, меѓутоа Штип УГД на идентичен начин како во првиот сет влезе во серија и триумфира со 25-21.