Барселона ремизира со Бетис и ја зголеми предноста пред Реал Мадрид (ВИДЕО)

05 април 2025 - 23:00

Каталонскиот гигант Барселона ремизира против Бетис во 30. коло од Ла Лига и делумно го искористи поразот на Реал Мадрид од Валенсија (1-2).

Гави во седмата минута ја затресе мрежата на Бетис, меѓутоа Нејтан ја врати неизвесноста откако во продолжение стрелаше за 1-1.

Избраниците на Ханси Флик беа подобар противник во продолжение од мечот, меѓутоа не успеаја да постигнат и втор гол. Германецот направи неколку промени уште на стартот на вториот дел, меѓутоа ниту тоа не беше доволно за да се пробие одбраната на гостите.

Барселона се наоѓа на првата позиција со 67 бодови, односно четири повеќе од Реал Мадрид.