Фулам го изненади Ливерпул, Тотнем конечно победи (ВИДЕО)

Не изгледаше дека денеска ќе видиме изненадување кога Мекалистер постигна убав погодок и го доведе Ливерпул во водство по 14 минути игра, но до крајот на првиот дел домаќините постигнаа три гола. Прво Сесењон стрелаше за 1-1 за потоа Ивоби да погоди десетина минути подоцна за целосен пресврт.

Нигериецот беше дел и од третиот гол кога му асистираше на Родриго Муниз.Во вториот дел видовме само еден гол кој го постигна Луис Диаз за конечни 3-2.

Тотнем конечно успеа да победи и тоа против веќе отпишаниот Саутемптон со 3-1. Два гола за домаќините постигна Џонсон, а еден беше дел на Тел. Утешниот гол за гостите го постигна Фернандеш.

Во преостанатиот натпревар Брентфорд и Челси одиграа без победник 0-0.

На табелата сега Ливерпул со 63 бода има 11 повеќе од Арсенал, додека Челси кој е на 53 му даде прилика на Манчестер сити со евентуална победа во градското дерби со Манчестер јунајтед да го прескокне на четвртата позиција. Тотнем е во долениот дел на табелата на 13-тата позиција со само 37 бода.