Лион со пресврт му пресуди на Лил и најави драматична борба за ЛШ

05 април 2025 - 23:11

Лион и Лил одиграа возбудлив натпревар во 28. коло од француската Лига 1, при што беа постигнати три гола, а победата му припадна на домаќинот со 2-1.

Диаките беше стрелец на голот за Лил, и тоа уште во првата минута од натпреварот, меѓутоа Лаказет од пенал во 38. минута стрелаше за 1-1.

Домаќините направија целосен пресврт во 70. минута кога Черки стрелаше за 2-1 и победа на Лион.

ПСЖ претходно стана шампион во Лига 1, но допрва ни следи драматична борба за позициите кои водат во Лигата на шампиони (ЛШ). Монако е втор со 50 поени, Марсеј има 49 бодови, Лион е четврти со 48, но потоа следат Ница и Лил со 47, Стразбур има 46, а не се откажува ниту Брест со 43.