Наковски Волеј испиша историја - прв трофеј во Купот на Македонија!

05 април 2025 - 19:02

Екипата на Наковски Волеј од Струмица е освојувач на трофејот во Купот на Македонија во женска конкуренција откако во драматичното финале славеше против Јанта Волеј во пет сета (16-25, 25-18, 10-25, 25-21, 15-13).

Тоа е прв триумф на струмичкиот клуб во историјата на Купот на Македонија со што го запиша своето име меѓу најдобрите во земјава. На патот до финалето, Наковски Волеј го совлада тимот на Фитфан волеј со 3-0.

За МВП на завршниот турнир беше прогласен Љиља Ковачевиќ од Наковски  Волеј која оствари 17 поени и блескаше во одлучувачкиот сет во кој придонесе со седум од вкупно 15 поени.