„Торцида да го водеше Динамо Загреб немаше вака да го уништи!“

05 април 2025 - 21:18

Динамо Загреб беше понижен на гостувањето во Пула кај Истра со 0-3 во 28. коло од хрватската лига, а тоа ги налути навивачите на поранешниот шампион.

Гигантот од Динамо се распадна на мечот против Истра, а навивачите со бесни коментари удрија по „модрите“ поради тоа што ја губат битката за титулата во домашното првенство.

„Срамота. Се надевам дека сте задоволни зашто сакавте ваков Динамо и го - добивте... Најголема грешка беше да го избркате Јакировиќ по поразот од Баерн, а сега со нас си поигрува Истра. Срам да ви е... Да ѝ го дадевме клубот на ‘Торцида’, немаше за една година да го уништат како тоа што го направија Зајец, Мариќ и Шпановиќ“, се дел од коментарите на навивачите.

Динамо е трет во лигата со 46 бодови, а пред себе ги има Риека со 50 поени и Хајдук на првата позиција со 54 бодови.